पत्रकार नेपाललाई गोपाल गिरी स्मृती पुरस्कार

वीरगंज, १२ फाल्गुन, पर्सा

                    यस बर्षको स्वर्गिय गोपाल गिरी क्रियाशिल पत्रकारिता पुरस्कार पत्रकार शत्रुघन नेपाललाई प्रदान गरेको छ । पर्साका प्रमुख जिल्ला अधिकारी कैलाश कुमार बजिमयले नेपाललाई सम्मानपत्र सहित २५ हजार रुपैया पुरस्कार राशि प्रदान गरेको हो । वीरगंजको होटल समझनामा पत्रकार महासंघ जिल्ला शाखाले आयोजना गरेको समारोहमा उक्त पुरस्कार नेपाललाई आज प्रदान गरेको छ ।  पत्रकार नेपाल स्थानीय प्रतीक दैनिकका सम्पादक तथा गढीमाई एफएमका सामाचार प्रमुख हुन ।

कार्यक्रममा प्रमुख जिल्ला अधिकारी बजिमय,पत्रकारहरु ध्रुव साह, दीपेन्द्र चौहान,अशोक तिवारी,महेश दास लगायतकाले स्वर्गिय गिरीको व्यक्तित्व र योगदान बारे चर्चा गरेका थिए । स्व.गिरीको २०६० माघ १ गते तत्कालिन बिद्रोही नेकपा माओवादीले वीरगंजको बाइपासमा गोली हानी हत्या गरेका थिए ।

अच्चमको मुला र कोभि फोटो फिचर ।

पर्सा जिल्लाको बागवाना गाविस मनवा बजार ९ का रामजनम प्रसाद चौधरीले मान्छेको आकृति भएको अच्चमका मुला फलाएका छन् । आफ्नौ ५ कठाको खेतमा लगाएको हाईबिड जातिको मुलामा यस्तो मुला फलेको चौधरीले बताए । मुलाको तौल ३ केजि रहेको छ । उक्त मुला हेर्नका लागि उनको घरमा प्रत्येक दिन मानिसहरु आउने गरेको उनले बताए । यसअघि चौधरीले गतसाल एउटै कोभिमा १० वटा फुल भएको कोभि फलाएका थिए ।

एउटै कोभिमा १० वटा फुल 

एउटै कोभिमा १० वटा फुल 

नेपाल भारत व्यपार मेला

नेपाल भारत व्यपार मेला को आज दोश्रो दिन नृत्य प्रस्तुत गर्दै यूवतीहरु ।

मेलामा आयोजित सास्कृतिक कार्यक्रम सञ्चालन गर्दै तराई टेलिभिजनका भिजे विवेक खतिवडा ।

दुईवटा सिमा स्तम्भ नगाडिएका कारण महेन्द्र सरकारले बसाएको वस्ती विकासवाट वञ्चित सम्पुर्ण फोटो फिचरसहित ।

चितवन राष्ट्रिय निकुञ्जले ठोरीको विकासका लागि पिकनिक पार्क लगाईएको तारवारलाई भारतियले अन्तराष्ट्रिय सिमाना यहि तारवार रहेको दावि गर्दैछन् , पृष्ठभुमिमा परेवा भिर डाडा ।

           दुईवटा सिमा स्तम्भ नगाडिएका कारण महेन्द्र सरकारले बसाएको वस्ती विकासवाट वञ्चित नुनको नाका भनेर चिनिने पर्साको ठोरी गाविसका जनताहरु दुईवटा सिमा स्तम्भ नगाडिएका कारण शिक्षा, सञ्चार, विजुलि, पुल, सडक लगायतको विकासवाट वञ्चित भएका छन् ।

                   भारतियले नेपालको भुमि अतिक्रमण नगरुण भनेर आज भन्दा ३५ वार्ष अगाडि महेन्द्र सरकारले आफ्नो देशको भुमि रक्षाका लागि ठोरीमा वस्ती वसाएका थिए । तर त्यहि समस्या आज पनि कायमै रहेका छन् । ठोरीका स्थानिय वासिन्दाले विजुलि वतिका लागि एक एक रकम जम्मा पोल र तार गाडे तर ठोरी पुग्नु भन्दा अगाडि ठुटे खोला मै सारा सपना चुडयो । भारतिय एस.एस.वि.ले भारतिय भुमि हो भनेर पोल गाडन र विजुलिको तार लान दिएका छैनन् । यति मात्र हैन् ठुटे खोलामा पुल निर्माणमा चितवन राष्ट्रिय निकुञ्जले रोक लगाईदिएका छन् ईएमआई गर्नुपर्ने भनेर पुल निर्माण हुन दिएका छैनन् । जसले गर्दा यस वर्षपनि ठोरी गाविसका वासिन्दाहरु वर्षाको समयमा भारतको नरकटियागंज भएर सदरमुकाम आउनु पर्ने भएका छन् । नेपाल सरकारको हरेक विद्यालयमा कम्पयुटर शिक्षा लागु गरेपनि ठोरीको सरस्वति माविमा कम्पयूटर छन तर विजुलि विना कम्पयूटर शिक्षा पढाई हुदैनन् । 

            भारतिय एस.एस.वि.का जवानहरुको कति सम्मनको दुस–साहस आफ्नै भुमिमा नेपाल प्रहरी र माईति नेपालको प्रहरी विट स्थापना गर्न लाग्दा हात हतियार सहित नेपालको भुमिमा प्रबेश गरि विट निर्माण रोक लगाएका थिए । जस्का कारणले ठोरीका स्थानियवासि आतंकित वनेका थिए । यसै सन्दर्भमा प्रमुख जिल्ला अधिकारी कैलाश कुमार वजिमयको नेतृत्वमा गएको टोलिले स्थानिय वासिहरु हाम्रो भुमिको पिलर चिनाईदिन आग्रह र हार, गुहार गरेपनि लचार भई समस्या सामाधान नै नगरि फिर्ता आएका थिए । ठोरी वासिले तपाईहरु जस्तो दुई–दुई पल्ट सिडिओ साव आउनु भो र यसो यसो गर्छु भन्दै जानु भो, हाति आयो हाति आयो फुस्स जस्तो नगर्नुस् हाम्रो सतम्भ यहाँदेअि यहाँ सम्म हो भनेर चिनाईदिनुस हामि आफनो भुमिको रक्षा गर्छु भन्दै आग्रह गर्दै थिए । समस्या सामाधान कै लागि सिमा प्रशासन महासाखा प्रमुख नापि अधिकृत सर्माले भने सिमा सतम्भको समस्या उहिले नै सामाधान भईसक्थ्यो तर स्थिर सरकार नभएकाले हुन नसकेको  बताए । उनले भने सिमाको नकसाङकन २०१२ डिसम्बर मै भएपनि दुबै देशको मन्त्रालय विचको काम भएकाले स्थिर सरकार हुने वितिकै नक्साङकनको प्रमाण पेश गरेर सिमाको पोल गाडिने बताएका थिए । 

जवाफ फर्काउदैँ –ठोरी वासिन्दाको पिडामा मलहम लगाउदै प्रजिअ बजिमय ।

ठोरीवासिसंग सिमाको विषयमा अन्तक्रिया गर्दै उपस्थित ठोरी वासि  ।

यसै सतम्भ र परेवा डाडामा सिमा सतम्भ छन भनेर सिको गर्दै नेपाल प्रहरी र माईति नेपालको विट दुवैको सिमानामा परिरहेको भन्दै एसएसविका जवानले निर्माण कार्यमा रोक लगाएका छन् । 

ठोरी गाऊँमा वति छैनन् गाडिएको पोल र विधुतिय तार । 

ठोरीवासिन्दाको जायज मागप्रति चिन्तत सिमा प्रशासन महासाखा प्रमुख नापि अधिकृत सर्मा ।

 पृष्ठभुमिमा परेवा भिर डाडा ।

रमनिय र अति सुन्दर ठोरी गाऊँ । 

रमनिय र अति सुन्दर ठोरी गाऊँ । 

              

ओझेलका पात्रलाई उजिल्याउँदै पत्रकार राजु श्रेष्ठ

कार्यक्रम ओझेलका पात्रका संचालक राजु श्रेष्ठ  । Raju Shrestha

         समाजका लागी दान दिएर चर्चाको आकांक्षा बोक्नेहरु सधैंभरि आम सञ्चार माध्यमको विषयवस्तुमा अटाइ नै रहेका हुन्छन् । तर त्यही समाजका लागी निःस्वार्थ भावले योगदान दिनेहरु समाजको एउटा साँघुरो घेराबाहिर बिरलै चर्चाको पात्र बन्ने अवसर पाउँछन् ।

             समाजका लागी लामो समयदेखि बहुमूल्य योगदान दिएका तर ओझेलमा परेका उदाहरणीय पात्रसँग आम नेपालीलाई परिचित गराउने र सामाजिक सेवाका लागी प्रेरणा प्रदान गर्ने अभियानलाई टेलिभिजन श्रृंखला ओझेलका पात्रले सार्थकता प्रदान गरेको छ । दुई वर्ष अघि एभेन्यूज टेलिभिजनको पर्दामा शुरु भएको ओझेलका पात्र खोजी अभियानले एक सय श्रृंखला पुरा गरेको छ ।  

               सय अंक पुरा गर्दा तराईदेखि पहाडसम्मको विभिन्न परिवेश, समाज र भूगोलमा बसेर समाजका लागी वर्षौदेखि योगदान दिएका सय पात्रलाई कार्यक्रम सञ्चालक राजु श्रेष्ठले भेट्ने अवसर पाए । पात्र खोजीका क्रममा आफूले पाएको अनुभव साट्दै उनी भन्छन्, हाम्रो समजमा दान दिनेहरुको चर्चा चाँडो हुँदो रहेछ,तर योगदान दिने ओझेलमा पर्छन् । योगदान दिनेहरुको खोजी गर्ने अभियानमा हिंड्दा दान गर्नेहरु पैसा बोकेर आफूले समाजका लागी ठूलो योगदान गरेको छु भन्दै भ्रममा पार्न खोज्छन् ।

              टेलिभिजनको पर्दामा देखा पर्न नरुचाउने कास्कीको वातावरण संरक्षक झलक थापा हुन् वा मध्यतराईको सीमान्त शहर वीरगन्जमा बसेर भोजपुरी भाषा साहित्य सेवामा आफ्नो जीविन समर्पण गरेका पंडित दीपनारायण मिश्र, यी सबै आफ्नो समाज र राष्ट्रलाई अमूल्य योगदान पु¥याएर पनि ओझेलमा परेका पात्र हुन् । उनीहरुजस्तै पात्रलाई पर्दामा ल्याउने र उनीहरुको जीवन कथा र अनुभवमार्फत् समाजलाई उर्जा प्रदान गर्ने प्रयासमा पत्रकार श्रेष्ठ अनवरतरुपमा लागी परेका छन्् ।

           ओझेलको पात्रका एउटा श्रृंखलामा जोडिएका वीरगन्जका प्रथम् नगर प्रमुख केशवप्रसाद मानन्धरको अटल व्यक्तित्व देख्दा जोकोहीलाई पनि लोभ लाग्दो हो । ९५ वर्षको उमेरमा उनका शरीरका केही अंगले राम्ररी काम गर्न छाडेपनि उनको अनुहारमा अझै ओज छ । विक्रम संवत् २०१० र २०१४ मा नगर प्रमुख भएका मानन्धर इमान्दारिताका प्रतीक समाजसेवी हुन् । उनकै नेतृत्वमा नारायणी उपक्षेत्रिय अस्पतालको जग बसालिएको हो ।  

              अर्का पात्र स्वर्गिय गंगाबहादुर थापा, क्षयरोग पीडितका लागी उनले आफू थला परेर ओछ्यानमा लड्नु अघिसम्म स्वयम् सेवा गरिरहे । शिरमा ढाकाटोपी र काँधमा गम्छा भिरेर कुर्ता र पाइजामामा सजिएर निवासदेखि अस्पतालसम्मको यात्रा पैदलै तय गरेर बिहानदेखि बेलुकीसम्म क्षयरोगीको सेवामा तैनाथ रहन्थे । क्षयरोगीले नियमित औषधी सेवन गर्न छुटाउलान् भन्ने चिन्ताले छटपटिंदै उनी बिरामीको घरघरै समेत पुगेर चासो लिने गर्थे । गत पुसमा उनको स्वर्गारोहण पछि वीरगन्ज नगरले एउटा असल अभिभावक गुमाएको छ । अन्तरवार्ताका क्रममा थापाले भनेका थिए,समाज सेवाका लागी धेरै धनको आवश्यक्ता नै छैन, ठूलो हृदय भए पुग्छ । अर्का पात्र पूर्व लागू औषध प्रयोगकर्ता साधुराम खड्गीको लागू औषधविरुद्धको साहशिलो संघर्षको कथा उनकै शब्दमा सुन्दा जोकोहीको गहँ आँशुले भरिन्छ । 

             नेपालमा संघीयतालाई राजनीतिकरुपमा मात्र बुझिने गरेको छ, तराई मामिलामा स्तम्भकार चन्द्रकिशोर भन्छन्,तर संघीयता भनेको सबै क्षेत्रमा समावेशिताबाट हासिल हुन्छ, समाजको प्रत्येक क्षेत्रमा राजधानीबाहिर पनि प्रतिभा छन् भन्ने एउटा उत्खनन् पनि हो, ओझेलका पात्र । ओझेलका पात्र भनिएपनि पात्र ओझेलका होइनन्, चन्द्रकिशोर थप्छन्, यहाँका दर्शक ओझेलमा थिए, कार्यक्रममा समेटिएका सबै पात्र मुखर र सार्थक पात्र हुन्, तर अपरिचित दर्शक थिए जस्लाई ती पात्रहरुको योगदानबारे जानकारी थिएनन् ।

फोटो पत्रकारिताबाट टेलिभिजन पत्रकारितामा प्रवेश गरेका पत्रकार राजु श्रेष्ठले राजधानीका पत्रकारको कब्जामा रहेको मिडियामा सकसका साथ संघर्ष गर्दै मोफसलबाट मोफसलकै पात्र समेटेर टेलिभिजन कार्यक्रम सञ्चालन गर्ने जोखिम मोले । जोखिम र मिहीनेतकै कारण अहिले आफ्नो कार्यक्रमका पात्रसँगै पत्रकार राजु श्रेष्ठ पनि चर्चाको पात्र बन्न पुगेका छन् ।

                 एभेन्यूज टेलिभिजनमा कार्यक्रमको प्रस्ताव लिएर पुग्दा साधनश्रोतको अभावमा इच्छाशक्तिले मात्रै यो कार्यक्रम सम्भव नभएको भन्दै व्यवस्थापकले निराश बनाए । लगातारको प्रयासपछि उनले ग्रिन सिग्नल पाए तर क्यामेरा, स्टुडियो केहीको पूर्वाधार तयार नभएपनि राजुले आँटे र गरी छाडे ।

                राजधानीमै सीमित प्रशारण मिडियामा मोफसलबाट नियमित कार्यक्रम सञ्चालन गर्न सक्नु आफैंमा एउटा उल्लेखनीय उपलब्धी भएको जानकारहरुको भनाई छ । साभार :– yatradaily

ओझेलका पात्र १०० औं श्रृंखला पुरा , ओझेलका पात्रहरुलाइ सम्मान भिडियो सहित ।

एभिन्यूज टेलिभिजनको मध्यमान्चल क्षेत्रिय ब्यूरो बीरगंजले संचालन गरेको अन्तर्क्रियामुलक कार्यक्रम ओझेलका पात्रले सय श्रृंखला पुरा गरेको छ । कार्यक्रमले सयौं श्रृंखला पुरा गरेको अबसरमा आयोजना गरेको सम्मान कार्यक्रम भब्यताका साथ सम्पन्न भएको छ । राष्ट्रिय जिबनमा महत्वपुर्ण योगदान पुर्याएका तरा बिभिन्न कारणले आझेलमा परेका ब्यक्तित्वहरुलाइ खोजेर राष्ट्रिय रुपमा चिनाउने अभियान अन्र्तगत संचलन गरिएको ओझेलका पात्रले आफ्नो सयौं श्रृंखला पुरा गरेको अबसरमा आयोजित सम्मान कार्यक्रममा एभिन्यूज टेलिभिजनका कार्यकारी अध्यक्ष भाष्करराज राजकर्निकारले एभिन्यूज टेलिभिजनले राजधानीलाइ मात्र नभई मोफसललाइ जोड्ने अभियान अन्र्तगत संचालन गरेको यस कार्यक्रमले देशभित्र लुकेर रहेका नायकलाइ चिनाउने काम गरेको बताएका छन् ।साथै उनले बिरगंज औधोगिक नगरी तथा आर्थिक राजधानी भएकाले यस क्षेत्रको बिकासका लागि आउँदो महिनाबाट महिनाको एकपटक आर्थिक बिशेष कार्यक्रम संचालन गर्ने प्रतिबद्धता समेत ब्यक्त गरेका छन् । कार्यक्रममा अध्यक्ष राजकर्निकारले कार्यक्रम संचालनमा सहयोग पुर्याउने बिभिन्न संघसंस्था तथा लगायत प्रायोजकलाइ सम्मान गरेका थिए । बिरगंज ब्यूरो प्रमुख राजु श्रेष्ठको सभापतित्वमा सम्पन्न कार्यक्रममा पर्साका सरकारी अधिकारीहरु ,उधोगी ब्यबसायी लगायत ओझेलका पात्रका तर्फबाट चर्चित गायक गागिका ,साहित्यकारहरुले शुभकामना मन्तब्य राखेका थिए । 

ओझेलका पात्रको १०० औं श्रृंखला

कार्यक्रममा सम्मानित ओझेलमा परेका पात्रहरु ।

बीरगंज १८ माघ 

एभिन्यूज टेलिभिजनको मध्यामाञ्चल क्षेत्रीय ब्यूरो कार्यालय बीरगंजले संचालन गरेको अन्तरक्रियामुलक कार्यक्रम ओझेलका पात्रले सय श्रृंखला पुरा गरेको अवसरमा आयोजना गरेको सम्मान कार्यक्रम भब्यताका साथ सम्पन्न भएको छ ।

राष्ट्रिय जीवनमा महत्वपूर्ण योगदान पु¥याएका तर विभिन्न कारणले ओझेलमा परेका ब्यक्तित्वहरुलाई खाजेर राष्ट्रिय रुपमा चिनाउने अभियान अन्तर्गत संचालन गरिएको ओझेलका पात्रले आफनो १०० औं श्रृंखला पुरा गर्न सफल भएको छ । सोही अवसरमा आयोजना गरिएको सम्मान कार्यक्रममा एभिन्यूज टेलिभिजनका कार्यकारी अध्यक्ष्ँ तथा नेपाल उधोग बाणिज्य महासंघका बरिष्ठ उपाध्यक्ष्ँ आदरणिय भाष्कराज राजकर्णिकारले एभिन्यूज टेलिभिजनले राजधानीलाई मात्र नभई मोफसललाई जोडने अभियान अन्तर्गत संचालन गरेको यस कार्यक्रमले देश भित्र लुकेर रहेका नायकलाई चिनाउने काम गरेको छ बताए ।

साथै बीरगंज औधोगिक नगरी तथा आर्थिक राजधानी भएकोले यस क्ष्ँेत्रको बिकासको लागि आउदो महिनाबाट महिनाको एकपटक आर्थिक विशेष कार्यक्रम संचालन गर्ने प्रतिबद्धता गरेका छन् । कार्यकारी अध्यक्ष्ँ राजकर्णिकारले कार्यक्रम संचालनमा प्रत्यक्ष्ँ अप्रत्यक्ष्ँ सहयोग पु¥याउने विभिन्न संघ सस्था लगायत प्रायोजकलाई पनि सम्मान गरेका थिए । सम्मानित हुनेमा कार्यक्रमका मुख्य प्रायोजक नेपालव शालिमार सिमेन्ट प्रा.लि., बिश्वकर्मा सिमेन्ट प्रा. लि., यती पोलिकेम प्रा. लि. लगायत दृश्य सम्पादक राजेश शर्मा, क्यामेरा पर्सन पुष्कर अधिकारी, अनिल श्रेष्ठ, जियालाल साह, सूश्री काजल बेरीवाल, श्रृंगार प्रशाधक श्रीमती करुणा बेरीवाललाई सम्मान गरिएको थियो । यसैगरि मध्यमाञ्चल जिलला भरिका एभिन्यूजकर्मि समेत सम्मान गरेको थियो ।

बीरगंज ब्यूरो प्रमुख राजु श्रेष्ठको सभापतित्वमा सम्पन्न सम्मान कार्यक्रममा पर्साका सभासद राजेन्द्र बहादुर अमात्य, पर्साका प्रमुख जिल्ला अधिकारी कैलाश कुमार बजिमय, बीरगंज उधोग बाणिज्य संघका अध्यक्ष अशोक कुमार बैद र ओझेलका पात्रहरुको तर्फबाट बयोबृद्ध ९० बर्षिया प्रेमनाथ शर्मा, लोकगायिका हरिदेवी कोइराला, चर्चित गायक सरोज गोपाल, साहित्यकार गोपाल अश्क र सयौ पात्र कृष्ण बास्तोलाले शुभकामना मन्तब्य राखेका थिए । कार्यक्रममा नेपाल उधोग बाणिज्य महासंघका केन्द्रीय सदस्यद्धयको पनि उपस्थिती रहेको थियो ।

एभिन्यूज टेलिभिजनका प्रवन्ध निर्देशक लक्ष्मण बास्तोलाले स्वागत गर्नु भएको कार्यक्रमको संचालन चर्चित कार्यक्रम प्रस्तोता टिकाराम यात्रीले गरेका थिए । कार्यक्रममा सिन्धुली, धनुषा, महोत्तरी, सर्लाही, रौतहट, बारा,  पर्सा, मकवानपुर, चितवन, कास्की, पर्वत र बागलु¨का ओझेलमा परेका पात्रहरुको सहभागिता रहेको थियो ।

photo view