बीरगंज ३ माघ ।
आन्दोलनमा खटिएका सुरक्षाकर्मीहरुको तर्फबाट जिल्ला प्रहरी कार्यालय पर्सामा आज आयोजीत एक कार्यक्रममा नेपाल पत्रकार महासंघ पर्सा शाखाका उपाध्यक्ष ध्रुब साह सहित ३ जनालाई सम्मान गरिएको छ । गत पुष २६गते बीरगंजमा सिके राउतको पक्राउपछि उनका समर्थकहरुले एकजना प्रहरीलाई घेराबन्दि गरी कुटपीट गरिरहेको बेला फोटो पत्रकार राम शर्राफ र पत्रकार महासंघका उपाध्यक्ष एवं रेडियो बीरगंजका कार्यकारी अध्यक्ष ध्रुब साहले बचाउनु भएको थियो ।
आन्दोलनकारीको आक्रमणबाट सख्तघाईते प्रहरी हबल्दार राजेश आलेलाई आफ्नो ज्यान जोखिमा हालेर बचाएको हुदा सन्चारकर्मी साह र सर्राफ सहित चिकित्सक प्रमोद शर्राफलाई आन्दोलनमा खटिएका सम्पुर्ण २ सय ४४ जना प्रहरीहरुको तर्फबाट सम्मान गरिएको हो ।
कार्यक्रममा पर्साका प्रहरी उपरिक्षक दिबेश लोहोनीले समाजप्रतिको जिम्मेवारी बहनगरी सन्चारकर्मी तथा चिकित्सकले प्रहरी जवानलाई बचाउन खेल्नुभएको भुमिकाको सम्मान गरिएको बताउनुभयो । त्यसैगरी सो कार्यक्रमलाई सम्बोधन गर्दै पत्रकार महासंघका उपाध्यक्ष ध्रुब साहले आन्दोलनकारीले एकजना प्रहरीलाई घेराहाली आक्रमण गरेर गम्भिर घाईते बनाएको दृष्यलाई आफुले हेर्न नसकी सन्चारकर्मी भन्दापनि मानबियताको दृष्टिकोणले तत्काल ज्यान जोखिममा हालेर उद्धारमा जुटेको धारणा ब्यक्त गर्नुभयो । कार्यक्रममा सन्चारकर्मी राम सर्राफले फोटो खिच्दा खिच्दै आफुले मानबिय दायित्वलाई बुझेर घाईते प्रहरीको उद्धार गरेको बताउनुभयो । त्यसैगरी चिकित्सक प्रमोद सर्राफले प्रहरी पत्रकार र डाक्टर देश र जनताको सेवामा समर्पित संस्था भएको हुदा उनीहरु देशको सम्पत्ति हुन् उनीहरुको रक्षागर्ने दायित्व जनता भएको कुरामा जोडदिनुभयो ।
कार्यक्रममा सन्चारकर्मी साह,सर्राफ र चिकित्सक प्रमोद सर्राफलाई समग्र प्रहरीको तर्फबाट जिल्ला प्रहरी कार्यालय पर्साका डिउटी कमाण्डर पशुपति तामा¨ र प्रहरी उपरीक्षक लोहनीले फुलमाला र टिका लगाएर सम्मान गर्नुभएको थियो ।
कृपया Post पढिसकेपछी आफ्नो सल्ला, सुझाब / टिप्पणी दिन नभुल्नुहोला । तपाईको सल्ला सुझाबले नै हाम्रो जोश जागर मिल्ने छन् र केहि गर्ने हौसला प्राप्त गर्दछौ. । Thank you Birgunj Media.
0 comments:
Post a Comment