पर्सा २१ चैत्र,
गर्मियामको सुरुवातसंगै ब्लड बैकमा रगतको अभाव भएपछि रगत संकलनका लागि आज गण्डक युथ क्लबबाराले अण्डक चोकमा आयोजना गरेको रक्तदान कार्यक्रममा ७ जना महिला सहित ८५ जनाले रक्तदान गरेका छन् ।
बाराका प्रहरी उपरिक्षक लोकेन्द्र बहादुर मल्लले ब्लडको पोका दिएर रक्तदानको कार्यक्रमको उदघाटन गर्नुहुदै रक्तदान कार्यक्रममा महिलाहरुको समेत सहभागिता बढाउनुपर्ने बताउनु भएको छ । गर्मियाममा रगतको अभाव हुने गरेकाले समेत विभिन्न प्रचार प्रसारका माध्यमबाट महिलालाई जागृत गराउदै रक्तदानमा सहभागि गराउनु पर्ने बताउनु भएको हो । कार्यक्रममा महिलामा सन्जु कोइराला, निता दनुवार र पुरुषमा रविन कुमार साह, रोसन अधिकारी, अजित साह, सिवजि गुप्ता, जयप्रकाश गुप्ता, विरेन्द्र शर्मा, मुकेश साह, रमेश साह लगायतले रक्तदान गरेका थिए ।
कार्याक्रममा ब्लड बैकका प्रमुख प्रविण मानान्धर, बल्ड डोनर्स एसोशिएसनका सचिव अरविन्द सिहं, सदस्य अजय कुशवाहा, प्राविधिक दिलमाया घिमिरे, आरएन चौधरी, पलाष्टिक संघका अध्यक्ष कुवेर गुप्ता लगायतको उपस्थिति रहेको थियो । कार्यक्रम उमेश गुप्ताको सभापतित्वमा समपन्न भएको थियो भने कार्यक्रमको सहजिकरण क्लबका सचिव राजेश गुप्ताले गरेका थिए ।
कृपया Post पढिसकेपछी आफ्नो सल्ला, सुझाब / टिप्पणी दिन नभुल्नुहोला । तपाईको सल्ला सुझाबले नै हाम्रो जोश जागर मिल्ने छन् र केहि गर्ने हौसला प्राप्त गर्दछौ. । Thank you Birgunj Media.
0 comments:
Post a Comment