साउन ३१ पर्सा
मध्य नेपाल खबर
वीरगंजमा डिजिटल प्रविधिको नयाँ सिनेमा घर थपिएको छ । वीरगंज उप महानगरपालिका रानिघाट १४ मा ५ करोड ५० लाखको लागतमा बजरंग पिक्चर्स प्रालिको नामबाट सोमबारबाट नयाँ सिनेमा घरको समुदघाटन भएको हो । ६ वटा हालमा ४ वटा सिनेमा हल बन्द रहेको अवस्थामा जम्मा २ वटा मात्रै सिनेमा हल वीरगंजमा सञ्चालनमा रहेको थियो अब थप एक वटा नयाँ सिनेमा हल थपिएर ३ वटा सिनेमा घर सञ्चालन हुने भएको छ । नयाँ सिनेमा घरको समुदघाटन सञ्चालक शिवजि प्रसाद कलवारका बुवा रामदेव प्रसाद कलवारले रिविन काटेर गर्नु भएको थियो ।
नेपाल बैक लिमिटेडको स्वामित्वमा रहेको बजरंग पिक्चर्स प्रालि लाई श्रीराम पिक्चर्स प्रालिका सञ्चालक शिवजि प्रसाद कलवारले ३ करोड २५ लाखमा खरिद गरि नयाँ प्रविधिहरु थप गरेर सिनेमा हल सञ्चालनमा ल्याएको हो । तत्काल बजरंग पिक्चर्स प्रालिको नामबाट नेपाल बैकबाट ऋण लिई सञ्चालन गरेका बखत बैकको ऋण तिर्न नसकेर बैकले आफ्नो स्वामित्वमा लिएको थियो । सञ्चालक शिवजि प्रसाद कलवारले आधुनिक तरिकाबाट हलको सञ्चालन गर्न लागेको बताउदै यस सिनेमा घरमा नेपाली, हिन्दी र भोजपुरी फिल्म चलाउने र माग अनुसार हलिउडका फिल्महरु समेत चलाउने उनले बताए । उनले भने वीरगंजको जनसंख्या दिनानुदिन बढ्दै गएको छ, यससंगै आधुनिक अनुसारको फिल्म हलको समेत खोजि हुन थालेकोले नयाँ प्रविधि अनुसार थप २ करोड ५० लाख रुपैया लगानि गरि सञ्चालन गर्न लागेका हौँ ।
0 comments:
Post a Comment