बैशाख ३ पर्सा
जियालाल साह
कैदिसंगै कारागारमा कैदीबन्दी जीवन विताईरहेका उनका छोराछोरीहरुका शिक्षा दिक्षाका लागि समता स्कुलको आज एक समारोहका विच उदघाटन समपन्न भएको छ । उदघाटन कार्यक्रममा कलाकार हरिवर्ष अचार्य, मदनकृष्ण श्रेष्ठ, डा.उपेन्द्र महतो, पर्साका प्रमुख जिल्ला अधिकारी कैलाश कुमार बजिमय लगायतकाले संयूक्त रुपमा रिवन काटेर स्कुलको उदघाटन गर्नु भएको हो ।
समता शिक्षा निकेतनको सहयोगमा १५ लाखको लगानिमा निर्माण भएको यस स्कुलमा ३ सय भन्दा वढी बालबालिकाहरुलाई पढाईने गरी १५÷२०को ६ कोठे भवन निर्माण गरिएको समताका संस्थापक उत्तम सञ्जेलले जनकारी गराउनु भएको हो । उनले भने शुरुवातमा शुशिकक्षा देखि कक्षा ५ पढाईहुने यस स्कुलमा अंग्रेजी माध्यममा पढाईहुने र निकट भविष्यमै उच्च शिक्षाका लागि क्यामपसको पनि स्थापना गर्ने वहाले जनकारी गराउनु भएको हो । कारागारमा निर्मित समता स्कुलको सम्पुर्ण लगानि उधोगी डा.उपेन्द्र महतोले सहयोग गरेको हो भने यस वर्षका लागि विधार्थीहरुलाई चाहिने सम्पुर्ण किताब, कपि र पोसाकको खर्च चर्चित महजोडी कालाकार मदनकृष्ण श्रेष्ठ र हरिवंश अर्चायले गर्ने संस्थापक सञ्जेलले जनकारी गराउनु भयो । हाल १५ सय भन्दा बढी कैदी रहेको यस वीरगंज कारागारका मात्रै ७४ जना विद्यार्थीहरु पढाईका निमित सम्पर्कमा आईसकेको कारागारका प्रमुख धिरज मरासैनीले जनकारी गराउनु भएको हो ।
कार्यक्रममा उधोगी डा.उपेन्द्र महतोले कारागारमा विभिन्न मुद्दामा कैदी जीवन विताईरहेका व्यक्तिको छोरा–छोरीहरु मतृत्वको कोखबाट पढनौका लागि छुटिएर विभिन्न संस्थाहरुको माध्यमले अन्यत्र सहरहरुमा जाने गर्दथ्यो तर कारागार परीसरमै स्थापना भएको यस स्कुलले कैदीवन्दी विताईरहेका आमाबुवाको मातृत्वबाट बञ्चीत नभई उनीहरुलाई समेत राम्रो सन्देश जानुका साथै भोलिका यी स–साना बालबालिकाहरुको भविष्यपनि उज्जवल हुने बताउनु भएको हो । त्यसैगरी कार्यक्रममा कालाकार हरिवंश अचार्यले भने समता शिक्षा निकेतनको विभिन्न विधालयको उदघाटनमा गए तर यस कारागार परिसरमा निर्माण भएको विधालयले भने निकै हृदय छोएको बताउनु भएको हो । यस स्कुललाई संस्थागत रुपमा विकास गरेर जानु पर्नेमा समेत कालाकार हरिवंशले जोड दिनु भएको हो । कार्यक्रममा प्रमुख जिल्ला अधिकारी कैलाश कुमार बजिमय, पत्रकार विजय पाण्डे, कालाकार मदन कृष्ण श्रेष्ठ लगायतकाले आफ्नो मन्तब्य ब्यक्त गर्नु भएको थियो । भने कार्यक्रममा बरिष्ठ प्रहरी उपरिक्षक सर्वेन्द्र खनाल, प्रहरी उपरिक्षक धिरज प्रताप सिह, उधोग वाणिज्य संघका अध्यक्ष अशोक बैध, स्थानिय विकास अधिकारी गजेन्द्र ठाकुर, प्रमुख सेनानी सुरेश हामाल लगायतको उपस्थिति रहेको थियो ।
कृपया Post पढिसकेपछी आफ्नो सल्ला, सुझाब / टिप्पणी दिन नभुल्नुहोला । तपाईको सल्ला सुझाबले नैहाम्रो जोश जागर मिल्ने छन् र केहि गर्ने हौसला प्राप्त गर्दछौ. । Thank you
0 comments:
Post a Comment