 |
| नेसनल मेडिकल कलेज वीरगंज |
काठमाडौ , चैत – बसरुद्दीन अन्सारी मालिक रहेको नेसनल मेडिकल कलेज तथा शिक्षण अस्पतालकाले वीरगंज उपमहानगरपालिको कर नतिरेपछि त्यसको खाता रोक्का हुने भएको छ । स्थापना कालदेखि नै उपमहानगरपालिको कर नतिरेको कारण स्थानीय स्वायत्त शासन ऐनअनससार शिक्षण अस्पतालको खाता रोक्न लागिएको उपमहानगरपालिकाका कार्यकारी अधिकृत ताराबहादुर कार्कीले बताए ।
वीरगंजस्थित भेडियाहीमा २० बिघा क्षेत्रफलमा नक्सा पाससमेत नगरी ४० भन्दा बढी भवन निर्माण गरी शिक्षण अस्पताल सञ्चालन गर्दै आएका बसरुद्दीन अन्सारीले कर तिर्नु कहाँ हो कहाँ उल्टै उपमहानगरपालिकाका कर्मचारीलाई हप्काएर पठाउने गरेका छन् । उपमहानगरिपालिकाका कर्मचारीअनुसार पटक–पटक कर बुझाउन र नक्सा पास गर्न ताकेता गर्दै लेखेको पत्र कलेज व्यवस्थापनले नबुझी फर्काइदिने गरेको छ । त्यति मात्रै होइन कि पत्र बुझाउनका लागि गएको कर्मचारीलाई हप्काएर पठाउने गरेको छ । शिक्षण अस्पतालले स्थापना कालदेखिको ८ करोडभन्दा बढी रुपैयाँ कर नबुझाएको उपमहानगरका अधिकृत कार्कीले बताए ।
‘अब अस्पताललाई कारवाही गर्नुभन्दा अरु कुनै विकल्प छैन’, कार्कीले भने, ‘स्थानीय स्वायत्त शासन ऐनले व्यवस्था गरेअनुसार घर जग्गा कर, व्यवसाय कर अस्पतालले नबुझाएको कारण बैंक खाता रोक्का प्रक्रिया थालिएको हो ।’ उपनगरपालिकामा जम्मा १ बिघा १८ कट्ठा क्षेत्रफल जग्गा देखाएर २०५९ सालमा ४ वटा तीनतले भवनको मात्र नक्सा पास गराएका बसरुद्दीन राज्यलाई ठग्दै अनियमित तरीकाले २० विघा जमिनमा ४० भन्दा बढी भवन निर्माण गरेका छन् । त्यति मात्र होइन, उपमहानगरपालिकालाई तीन तले भवन बनाउने भनि नक्सा पास गराएका बसरुद्दीनले अहिले ६ तले भवन खडा गरेका छन् ।
तीनतले भवनको नक्सा पासबापत ३ लाख १८ हजार ८ सय ४४ रुपैयाँ तिरेको देखिन्छ भने ०६० जेठ १८ मा अनुसन्धानशाला, अडोटोरियम हल, लेक्चर हलको पाँच लाख सात हजार छ सय १० रुपैयाँ बुझाएको उपमहानगरपालिकाले जनाएको छ । त्यसपछि घरमाथि घर तल्लामाथि तल्ला थपेका छन् तर त्यसका लागि न कुनैको नक्सा पास गराइएको छ न कुनैको प्राविधिक टेष्ट गराइएको छ । वीरगञ्जमा रहेको अस्पतालको कर तिर्न नसकेका बसरुद्दीन काठमाडौ र भक्तपुरमा अर्को शिक्षण अस्पताल खोल्न लागेका हुन् । चित्रलेखालाई रिझाउँदै
साउदी अरबका मुस्लमानहरुलाई ठगेर लगभग ४०० करोडको लगानीमा शिक्षण अस्पताल सञ्चालन गर्दै आएका बसरुद्दीन काठमाडौंमा पनि अर्को शिक्षण अस्पताल तयारी गरिरहेका छन् । सम्बन्धन नपाएर पठन–पाठन रोकिएको सो शिक्षण अस्पताल घट्टेकुलोमा रहेको छ । सरकारबाट अनुमति नै नपाएका काठमाडौं नेशनल मेडिकल कलेजमा हाल अस्पताल सञ्चालनमा रहेको छ । डा।गोविन्द केसी अनसन बसेको कारण सम्बन्धन लिने प्रकृया अवरुद्ध भएको थियो । खिलराज रेग्मी सरकारको पालामा करौडौ खर्च गरेर सम्बन्धन लिन नसकेपछि अहिलेका शिक्षा मन्त्री चित्रलेखा यादवको दैलोमा दौडधुप गरिरहेका छन् ।
दाउदसँग बसरुद्दीनको कन्केसन
चारवर्ष अगाडि स्थापना गरिएको शिक्षण अस्पतालमा अवैध रुपमा दाउदको पनि लगानी भएको स्रोतले बताएको छ । हालै भारतीय जनता पार्टीबाट निस्कासित भारतीय नेता सविर अलिमार्फत सो अस्पतालमा लगानी गरिएको हो । नेपाली मुसलमानहरुका लागि मात्र स्थापना गर्न अरब मुलुकका धनाढ्यहरु सो अस्पतालमा लगानी गर्न तयार भएका थिए र सोही अनुसार रकम पनि आउन थालेका थिए र त्यसैबेला सविर अलि पनि त्यहाँ लगानी लगाएको बताइन्छ । वीरगञ्जको भारतीय नाका रक्सौलका निवासी सविर अलि निम्नवर्गीय परिवारका व्यक्ति थिए र पैसा कमाउने उद्देश्यले पाकिस्तान छिरेका थिए । पाकिस्तान गएको केहीवर्षपछि दाउद इब्राहिमसँग सम्पर्क भयो र त्यसको लागि उनी नेपाल तथा भारतमा काम गर्न थाले । त्यसै सिलसिलामा दाउदले आफ्नै भतिजीसँग सविरको विहे पनि गर्दिए । दाउदको भतिजीसँग विहेपछि सविरको दिन दुगुणा र रात चौगुणा उन्नती हुँदै गयो । स्वदेश फर्केपछि रक्सौलमा यस्तो भवन बनाए कि वरिपरी पनि छक्क परे । त्यसको सान सौकत पनि बेग्लै भयो । पछि पैसाको बलमा नितिशको कुमारको पार्टी जनता दल युनाईटेडमा प्रवेश गरे । त्यहाँ प्रवेश मात्र गरेनन् उनी राज्यसभाको सदस्य पनि भए । नितिशकुमारको पार्टीमा रहेपनि उनी बेला बेलामा खुलेर नरेन्द्र मोदीको प्रशंसा गर्थे । र, त्यही कारणले सधैका लागि उनलाई सो पार्टीबाट निष्काशित गरे । नितिशको पार्टीबाट निकालिएपछि उनी मोदीको नजिक भए । बिहारका केही भाजपा नेताहरुलाई रिझाएर उनी भाजपामा प्रवेश गरे तर भाजपामा प्रवेश गरेको २४ घण्टा नबित्दै सविरको यति विरोध भयो कि साविरको सदस्यता तत्कालै खारेज भयो । बसरुद्दीनको अस्पतालमा लगानी गरेका सविरले नेपालको डिपार्टमेन्ट स्टोरदेखि लिएर क्यासिनोलगायतमा पनि आफ्नो लगानी विस्तार गरेका छन् । अवैध धन्दामा समेत सक्रिय सविरले नेपालमा लुकेर बस्ने पाकिस्तानी आतकंकारीको संरक्षण दिने काम पनि गरेको स्रोतको दावी छ । बसरुद्दीनको अस्पतालको आडमा नेपालमा अवैध कारोवारमा संलग्न सविरलाई भाजपाले पाकिस्तानी आतकंकारीसँग साठगाँठ रहेको आरोप लगाउँदै हटाएको हो । रातोपाटीबाट ...
कृपया Post पढिसकेपछी आफ्नो सल्ला, सुझाब / टिप्पणी दिन नभुल्नुहोला । तपाईको सल्ला सुझाबले नै हाम्रो जोश जागर मिल्ने छन् र केहि गर्ने हौसला प्राप्त गर्दछौ. । Thank you
म एडम्स केभिन, Aiico बीमा plc को एक प्रतिनिधि, हामी भरोसा र एक ऋण बाहिर प्रयास गर्न व्यक्तिगत मतभेद आदर। हामी ऋण चासो दर को 2% प्रदान गर्नेछ। तपाईं यस व्यवसाय मा चासो हो भने ई-मेल (adams.credi@gmail.com) अब हस्तांतरण ठीक जारी युद्धमा ऋण कागजातहरू गरेर हामीलाई सम्पर्क। के तपाईं पनि aiico बीमा plc.you बहुत स्वागत छ इमेल गरेर हामीलाई सम्पर्क गर्न सक्नुहुन्छ भने हामी पहिलो हप्ता सन्तुलन स्थानान्तरण अनुरोध गर्न सक्छौं (aiicco_insuranceplc@yahoo.com) एक व्यापार वा स्कूल स्थापित गर्न एक ऋण आवश्यकता छ।
ReplyDeleteव्यक्तिगत व्यवसायका लागि ऋण चाहिन्छ? तपाईं आफ्नो इमेल संपर्क भने उपरोक्त तुरुन्तै आफ्नो ऋण स्थानान्तरण प्रक्रिया गर्न ठीक