साप्ताहिक राशिफल
२०७३ पौष १७ गते देखि २३ गते सम्म
 |
| ज्यो. पं. छविरमण सुवेदी बारा |
मेष : साता फलदायी रहनेछ । मंगलबार सम्मका दिनहरु अनुकुल छन । यी दिनमा सरकारी उल्झन सुल्झनेछ । काममा सफलता मिल्नेछ । प्रशस्त धनलाभ हुने पनि देखिन्छ । बुधवार विहिवार र शुक्रवारका दिनमा व्यर्थ भ्रमण बेचैनी हुने ग्रहयोग परेको छ । शनिवार भने धनलाभ अन्नलाभ र मीठो खानाको अवसर मिल्नेछ । यो साता ऊँ गं गणपतये नमः मन्त्र जप गर्दा अशुभ फलमा कमी आउने छ ।
वृष : साता रमाइलोसँग वित्नेछ । साताको शुरुमा छोटो दुरीको तीर्थ यात्रा हुने ईश्वरभक्तिमा मन जानेछ । वैदेशिक काममा सफलता मिल्नेछ । मानसम्मान र पुरस्कार पाउने ग्रहयोग देखिन्छ । साताको मध्य र अन्त्यतिर प्रशस्त धनलाभ हुने सुख शान्ति र मनोरन्जन गर्दै समय वित्ने देखिन्छ ।
मिथुन : आज आइतबार त्यति राम्रो छैन । आज काममा अलमल शरीरमा रोग भय र अनावश्यक खर्च योग परेको छ । सोमबार देखि शनिवारसम्मका दिनहरु अनुकुल रहनेछन । यी दिनमा काममा प्रगति राज्यबाट लाभ समर्थन मिल्ने, सरकारी उल्झन सुल्झने विदेशी आफन्तको सुसमाचार आउने ग्रहयोग रहेको छ । प्रशस्त धनलाभ पनि हुनेछ ।
कर्कट : साताका बुधवार सम्मका दिनहरु प्रतिकुल नै रहनेछ । यी दिनमा उद्योग व्यवसाय र व्यापारमा केही सुधार देखा परेतापनि आर्थिक संकट र कोही कसैसँग वादविवाद शरीरमा समान्य चोट पटक लाग्न सक्छ । विहिवार देखि शनिवार सम्मका दिनहरु अनुकुल छन । यी दिनहरुमा आफूभन्दा ठूला मानिसबाट लाभ समर्थन मिल्ने ईश्वर भक्तिमा मन जाने र विदेश यात्रा हुने ग्रहयोग रहेको छ । यो साता ऊँ नमः शिवाय मन्त्रको जप गर्नु भए साता फलदायी रहनेछ ।
सिह : साताका बुधावरसम्मका दिनहरु अनुकुल रहनेछन । यी दिनमा कडा परिश्रमबाट काममा सफल्ता मिल्नेछ । प्रतिस्पर्धात्मक परीक्षामा सफल्ता मिल्नेछ । व्यापारलाभ, व्यवसायमा प्रगति हुनेछ । विहिवार शुक्रवार र शनिवारका दिनमा शरीरमा पीडा आफन्तसँग वादविवादको योग छ । सूर्य भगवानलाई जल अर्पण गर्नाले अशुभ फलमा कमी आउनेछ ।
कन्या : साता रमाइलो गर्दै वित्नेछ । साताको शुरुमा ज्ञान विज्ञानका क्षेत्रमा चर्चा परिचर्चा गर्दै वित्नेछ । विदेशी आफन्तको सु समाचार आउने छ । शिक्षा क्षेत्रमा सफल्ताको योग देखिन्छ । साताको मध्य र अन्त्यतिर वाद विवादमा विजय यात्रामा सफलता र व्यापारमा लाभ एवं उद्योग व्यवसायमा प्रगति देखा पर्ने ग्रहयोग रहेको छ ।
तुला : साता अनुकुल रहने्छ । साताको् शुरुमा सन्तान सुख मिल्ने, रोकिएका अधुरा काम बन्ने र सुसमाचारले मन खुशियाली छाउनेछ । साताको मध्य र अन्त्यतिर वादविवादमा विजय मिल्ने, दामपत्य जीवनमा सुमधुरता प्रेममा सफलता र मनोरन्जनात्मक फलदायी यात्रा हुने ग्रहयोग रहेको छ ।
वृश्चिक : साता मिश्रीत फलदायी रहने छ । साताको मंगलवारसम्मको समय प्रतिकुल रहनेछ । यी दिनमा घरेलु समस्या वाहनमा धनखर्च, खानपिनको लापरवाहीले शारीरिक समस्या देखा पर्ने छ । बुधवार देखि शनिवार सम्मका दिनहरु अनुकुल रहनेछ । यी दिनमा परिक्षा आदि प्रतिस्पर्धामा सफल्ता मिल्ने, बाजी मार्दा जित हुने र चिठा आदि पर्ने ग्रहयोग बनेको छ । आफन्तको सहयोगले महत्वपूर्ण काममा सफलता मिल्नेछ ।
धनु : साता मिश्रित फलदायी रहनेछ । साताका बुधवारसम्मका दिनहरुमा धनलाभ हुने घरमा पाहुनाको आगमन र नयाँ पुराना साथीभाईसँग भेटघाट हुनेछ । आफन्तको सहयोगमा महत्वपूर्ण काममा सफलताको योग देखिन्छ । विहिवार शुक्रवार र शनिवारका दिनमा घर वाहन र भूमि सम्बन्धि समस्या विवाद हुन सक्छ भने शरीरमा अल्छीपन पेटको गडबडी देखा पर्नेछ ।
मकर : साता रमाइलो गर्दै वित्नेछ । साताको शुरुमा धनलाभ अन्नलाभ र मीठो खानाको अवसर मिल्नेछ । साताको मध्य र अन्त्यतिर घरमा अतिथिको आगमन प्रशस्त धनलाभ अतिथि स्वागत सत्कारमा धन खर्चको योग रहेको छ ।
कुम्भ : साता रमाइलो गर्दै वित्नेछ । साताको शुरुमा मानसम्मान र पुरस्कार पाउने योग छ । धनलाभ र अन्नलाभ पनि हुनेछ । साताको मध्य र अन्त्यतिर घरमा विशिष्ट तहका मानिसको आगमन हुनेछ । मित्र एवं आफन्तको सहयोगले महत्वपूर्ण काममा सफलता मिल्नेछ । जस यस र सफलता पाउने साता रहेको छ ।
मीन : साताको मंगलवार सम्मको समय त्यति राम्रो छैन । यि दिनमा बेचैनी खचृवृद्धि र व्यर्थ भ्रमण हुनेछ । बुधवार देखि शनिवारसम्मका दिनहरु अनुकुल रहनेछन । यी दिनमा बोली व्यक्तित्व बढने अन्नलाभ, धनलाभ हुने र पारिवारिक जमघटका बीच मिठो खानाको अवसर मिल्ने ग्रहयोग बनेको छ ।
0 comments:
Post a Comment