नेपालमै बबाल छ !
संविधान आएर नि बबाल छ ।
संविधान न आएर नि बबाल छ ।
यता मिलाएर नि बबाल छ ।
उता मिलाएर नि बबाल छ ।
कसैलाइ मन्त्री पाएर बबाल छ ।
कसैलाइ हटाएर बबाल छ ।
यहाँ अपराधी समाएर बबाल छ ।
उता अपराधी धपाएर बबाल छ ।
यता घाँऊ चराएर बबाल छ ।
उता घाँऊ बनाएर बबाल छ ।
यता कुनै मा अँटाएर बबाल छ ।
उता मिल्काएर बबाल छ ।
यता थुतुनो बजाएर बबाल छ ।
उता मुख चपाएर बबाल छ ।
यता सम्बन्ध जमाएर बबाल छ ।
उता बिच्छेद गराएर बबाल छ ।
यता माग जुराएर बबाल छ ।
उता टुक्राएर बबाल छ।
यता जनता दबाएर बबाल छ ।
उता जनता उठाएर बबाल छ ।
यता आन्दोलन सेलाएर बबाल छ ।
उता आन्दोलन चलाएर बबाल छ ।
यता मसाल जलाएर बबाल छ
उता सुर्य टल्काएर बबाल छ ।
यसो नि बबाल उसो नि बबाल छ ।
बबालै बबालको भको हाम्रो देश नेपाल छ ।
— दिलिप राज कार्की, वीरगंज
टुटुुेको प्रेम महल फेरि कहाँ बनाउन सक्छु र
टुटुुेको प्रेम महल फेरि कहाँ बनाउन सक्छु र !
जस्तो माया बाँडे पनि थोरै माया कहाँ पाउन सक्छु र !!
आँफू एउटा सागर हँु भन ठान्छु सानु
तर यो मनको प्यास कहाँ मेटाउन सक्छु र !
म पागल सायद बुझ्दिन आफ्नो दुनियालाई
आकाशको ताराले आफ्नो घर कहाँ सजाउन सक्छु र !
कसैसँग हुँदा पनि टाढाको आभास हुन्छ अब
सँगै बसेर तिम्रो प्रेमगित कहाँ गाउन सक्छु र !
दुई चार पल हाँसेर आखिर फर्कन्छु आफ्नै संसारमा
तिमी सँग लाएको चोखो माया कहाँ भुलाउन सक्छु र !
पिडाले दुखेको छ मन खै किन यति
यो ढलेको पर्खालको सोर कहाँ सुनाउन सक्छु र !
सके सम्म लुटिएँ यो माायाको चालमा
यो बाटोमा अरु कति म कहाँ लुटाउन सक्छु र !
तिमी मलाई जति दुखाएर मार तिम्रो खुशी
तिम्रो हरेक प्रश्नको जवाफ म कहाँ फकाँउन सक्छु र !
अन्तिम सलाम लेऊ यो अजनवीबाट
तिम्रो झुठो संसारमा फेरि कहाँ फर्केर आउन सक्छु र !
– लक्ष्मीकान्त शर्राफ, ठाकुराम क्याम्पस, वीरगंज
आमा
संसारमा सबैभन्दा ठूलो के हो भन ?
आमा नै हुुन् ठूलो कुरा अरुलाई नगन ।
हामीलाई संसार देखाउने आमा नै हुन् चिन
आमा किन्न पाउदैनौ अरु जे नि किन ।।
कोखाई कोखाई बाबु भनि पेटभर खाना खुवाउछिन्,
ताते ताते बाबु भन्दै पाईला चाल्न सिकाउछिन्,
मायाकि खानि पनि आमा नै हुन् चिन
माया किन्न पाउदैनौ अरु जे नि किन ।।
जती गल्ती गर तिमि सहजै माफि पाउछौ,
जब तिमि मुस्कुराउदै उनको अघि आउछौ,
दयाको बिशाल सागर आमा नै हुन् चिन,
आमा किन्न पाउदैनौ अरु जे नि किन ।।
आमा छोड्छन् ढुंगा पुज्छन् यो पापि दुनिया,
कृतज्ञ हुन्छन् ईश्वरप्रति नै सफलतालाई चुम्दा
भगवानको दोश्रो रुप आमा नै हुन् चिन
भगवान किन्न पाउदैनौ अरु जे नि किन ।।
दुख सुख झेलिकन हुर्काउछिन् छोरालाई
त्यहि छोरा पैसाको लागी छोडिदिन्छ आमालाई,
पैसा भन्दा ठुलो कुरा आमा नै हुन् चिन
आमा किन्न पाउदैनौ अरु जे नि किन ।।
— स्वस्तिका ढकाल, कक्षा १०, सिमरा १ बारा
0 comments:
Post a Comment