भर्खरै पाचौँ राष्ट्रिय कर दिवस सम्पन्न भएको छ । यस साता हामीले जनताबाट संकलित करको सदुपयोग कतिको भएको छ भनेर विभिन्न व्यक्तित्वहरुको प्रतिक्रिया लिएका छौँ ।🙋
१)
डलफिन एकेडेमी
आउटपुट केही देखिदैन त्यसको, करबाट संकलित रकम कहाँ खर्च हुन्छ ? त्यो प्रष्ट भएको पाउदैनौँ । हामीले दिएका कर गरिब निमुखाहरुमा आएको देखिदैन् । हामीले दिएको कर देश निर्माणका लागि हो हाम्रै लागी हो तर खौई न त सडक, बति, शिक्षा, कुनै क्षेत्रपनी बलियो भएको छैन् । जसले हामीलाई निराश पार्छ । छैन करको सदुपयोग भएको ।
२)
आर के शर्मा (व्यवसायी)
रेश्मकोठी ७, वीरगंज
हामीले त करको सदुपयोग भएको पाएका छैनौँ । साधारण वीरगंज उप–महानगरपालिका कै कुरा गर्ने हो भने, सरसफाई, फोहर व्यवस्थपन, सडक, नाला सबै भद्रगोल छ । राम्रो भनेको त्यस्तो केही छैन यहाँ करको दुरुपयोग धेरै छन् । न त सडकको व्यवस्थापन छ, चारैतीर फुटेको खाल्डै खाल्डो, कोही ठुलोबडा मान्छे आए भने छोपछाप गर्ने मात्रै भएको छ । दशवर्ष पहिला जस्तो थियो अहिले पनि उस्तै छ ।
३)
राजेन्द्र महतो (व्यापारी)
घडीअर्वा, वीरगंज
हामीले तिर्ने करको सदुपयोग भन्दा दुरुपयोग बढी भएको जस्तो लाग्छ । हामीले सरकारलाई कर तिर्छौ हाम्रो गाउँ ठाउँ विकसित गर्नका लागि तर खौँ त हाम्रो गाँऊ ठाउँ विकसित भएको ? जति बढी हामी कर तिर्छौ त्यति त्यति हाम्रो गाँऊ ठाउँ विकसित नभएर अविकसित हुदै गइरहेको अवस्था छ । यसमा सम्बन्धित निकायको ध्यान जाओस् चाडो भन्दा चाडो हामीले तिर्ने करको सदुपयोग होस् ।
४)
ललन कुमार साह (कर्मचारी)
नवकटुवा बारा
हामीले तिर्ने गरेको करको सदुपयोग गाऊँतीर भन्दा सहरतिर भएको छ । तर जतिसदुपयोग हुनुपर्ने हो त्यति भएको छैन् ।
५)
रवि सर्राफ सोनार (औषधी थोक विक्रेता)
सरार्फ मार्केट, वीरगंज
जनताबाट संकलित करको दुरुपयोग भनि साध्य छैन् । चाहे स्वस्थ्य क्षेत्र हो, गरिबले निःशुल्क स्वस्थ्य उपचार पाउदैन । शिक्षामा पनि अलि सरकारी विद्यालयमा केही निःशुल्क छ । तर त्यसबाट उत्कृष्ट प्रतिफल छैन । पेपरमा होला तर देख्ने गरी जनताले महशुश हुनेगरी कहीपनी करको सदुपयोग भएको छैन ।
६)
मन्दिप तिवारी (जागीरे)
आदर्शनगर, वीरगंज
हामीले तिरेको करको सदुपयोग भएको भए आज हाम्रो देशको हरेक शहर नम्बर वनमा हुन्थ्यो । हामी रातदिन हिड्ने बाटोको हालत सबै जनताले हेरेकै छ, । तर पनि सबैजना मौन छ । करको सदुपयोग गराउन हामी सबै जनता जनजागृति भएर लाग्यौ भने पक्कै पनि आउने दिनमा करको सदुपयोग हुनेथियो ।
७)
रामकिशोर भगत (शिक्षक)
वीरगंज
जनताबाट संकलित करको सदुपयोग भन्दा दुरुपयोग बढी भएको छ । यसको कुनै योजनाबद्ध खर्च छैन । सदुपयोगको लागि कुनै पनि निर्धारित कडा मापदण्ड आयो भने सहि सदुपयोग हुन्छ ।
0 comments:
Post a Comment