नेपालले एएफसी सोलिडारिटी कप फुटबलको उपाधि जितेको छ । मलेसियामा मंगलबार भएको फाइनलमा मकाउलाई १ – ० ले पराजित गर्दै नेपालले उपाधि जितेको हो ।
नेपालले सोलिडारिटी कपको पहिलो संस्करणको उपाधि जितेको हो । नेपाललाई एसियाली फुटबल महासंघ ९एएफसी० ले पहिलो पटक आयोजना गरेको प्रतियोगिताको उपाधि दिलाउन सुजल श्रेष्ठले निर्णायक गोल गरे । सोलिडारिटी कपको उपाधिसँगै नेपालले एएफसीले आयोजना गर्ने पहिलो प्रतियोगिता जित्न सफल भयो । यसअघि नेपालले एएफसीले आयोजना गर्ने प्रतियोगिता जितेको थिएन ।
मलेसियाको कुचिङस्थित सारावाक रंगशालामा भएको फाइनलमा नेपालले आफु भन्दा तल्लो बरियताको मकाउमाथि सहज जित निकाल्यो । फिफा वरीयतामा १ सय ९६ औं स्थानमा रहेको मकाउबिरुद्ध १ सय ८६ औं स्थानको नेपालले सुरुवातबाटै आक्रामक खेल खेलेको थियो । तर, नेपालले पहिलो हाफको ३० औँ मिनेटमा सुजल श्रेष्ठको गोलबाट सुरुवाती अग्रता लिएको थियो । भरत खवासले उपलब्ध गराएको क्रसमा सुजलले सुन्दर हेड गोल गर्दै नेपाललाई अग्रता दिलाएका थिए । त्यसअघि भरतले सेकेन्ड बार च्याप्दै प्रहार गरेको बल गोल पोस्ट नजिकैबाट बाहिरिएको थियो । दोस्रो हाफमा दुवै टोलीबाट गोल हुन् सकेन र सुजलको गोलले नेपाललाई उपाधि दिलाउन प्रयाप्त भयो ।
सोलिडारिटी कप जितेसंगै नेपाली टोलीले उपाधिमा पनि ह्याट्रिक गरेको छ ्र नेपालले यसअघि बंगबन्धु गोल्डकप र दक्षिण एसियाली खेलकुद ९साग० को उपाधि जितेको थियो ्र यस्तै नेपालले लगातार आठ खेलको अपराजित यात्राको कीर्तिमान कायम गरेको छ । गत वर्ष त्रिभेन्द्रममा भएको साफ च्याम्पियनसिपमा भारतसँग ४–१ ले हारेयता नेपाली राष्ट्रिय टिम अपराजित रहेको छ । भारतसँग पराजित भएपछि नेपालले श्रीलंकालाई पराजित गर्दै आफ्नो अपराजित यात्रा कायम गरेको हो ्र यसबीचमा नेपालले बंगलादेशमा सम्पन्न बंगबन्धुको उपाधि र १२ औं सागमा स्वर्णपदक जितेको थियो ।
योसंगै नेपालले मकाउलाई चौथो पटक पराजित गर्न सफल भएको छ । यसअघिको पाच भेटमा नेपालले तिन पटक जित निकालेको थियो भने मकाउले एक खेलमा जित हासिल गरेको थियो । दुई टोलीबीच एक खेल भने बराबरीमा सकिएको थियो ।
प्रतियोगितामा समुह ए मा रहेको नेपाल अपराजित रहदै फाइनलमा पुगेको थियो । ७ टोलीको सहभागिता रहेको प्रतियोगितामा मकाउले पनि अपराजित रहँदै फाइनल नेपालसंगको भेट पक्का गरेको थियो । नेपालले पहिलो सेमिफाइनलमा लाओसलाई ट्राइबेकरमा ३–० ले हराएको थियो भने मकाउले ब्रुनाईलाई ट्राइबेकरमै ४–३ ले पराजित गरेको थियो ।
एएफसी च्यालेन्ज कप आयोजना हुन छोडेपछि एएफसीले त्यसको विकल्पको रुपमा एएफसी सोलिडारिटी कप आयोजना गरेको हो । एएफसीले सन् २०१८ को विश्वकप र २०१९ को एसियन कप छनोटबाट बाहिरिइसकेका टोलीलाई प्रतियोगितामा सहभागी गराएको थियो ।
0 comments:
Post a Comment