राधिका केसी
मध्य नेपाल सन्देश
स्वस्थ केशको लागी केशको जरामा मालीस गर्न अति नै जरुरी हुन्छ । मालीसद्वारा केश झर्नबाट केही हदसम्म बचाउनुको साथै टाउकोको रक्तसञ्चार प्रणालीलाई सुचारु रुपमा सञ्चालन गर्न सहयोग गर्दछ ।
कुनैपनि राम्रो तेलद्वारा केशको मालीस गर्दा केशको विभिन्न रोगहरुबाट मुक्ति मिल्दछ मस्तिष्कलाई शितल बनाउँछ । कहीले काही धेरै मानिसको तनावको कारणले गर्दा केश मृत र निर्जिव जस्तो जर्जर परेको देखिन्छ । यस्तो भएमा तेलले मालीस गरेर सेम्पुको प्रयोग गर्दा केशको जरा सम्म अक्सीजन पुग्ने गर्दछ र जराबाट प्राकृतिक चिल्लो नीस्कन्छ जस्ले गर्दा केशमा नयाँ चमक आउछ । केश मालिस गर्दा सकेसम्म बढदो सुगन्ध भएको तेल प्रयोग गर्नु हुदैन । केशमा प्रयोग गर्ने तेललाई हल्का तताएर त्यसमा वरावर भाग पानी पनि मिसाउन सकिन्छ । कपास अथवा औलाको सहायताले वा ईलेक्टूोलिक मसाजरले करिव आधा घण्टा सम्म हल्का मालिस गर्नु पर्छ । यस प्रकारको मालिसले केशको जरासम्म टकीक उपलब्ध हुनुको साथै जरामा भएका तैलीय ग्रन्थीहरु पनि सकृय हुन थाल्दछ । तेल मालिस गर्दा समान्य केश हप्तामा १ पटक सुख्खा केशमा ३/४ पटक तैलीप त्यसमा १५ दिनमा १ पटक गर्दा हुन्छ ।
सुख्खा केशलाई पनि बढता मालिस र स्याहार सम्भार गर्न सकेमा केहि महिनामा सामान्य केश बनाउन सकिन्छ । केश मालिस गर्न बिभिन्न हेयर क्रीमहरु पनि प्रयोग गर्न सकिन्छ । केश मालिस गरे पछि तुरुन्त हेयर सेम्पु गर्न जरुरी हुन्छ किन भने चिल्लो केशमा धुलो मैलो आदी टासिन्छन । र बिभिन्न समस्याहरु उत्पन्न हुन सक्छ । कसै कसैको केश ज्यादै चिल्लो हुन्छ यस्तो केश मालिस गर्दा भने तातो पानीमा २/४ थोपा तेल र २/४ थोपा कागतीको रस मिलाएर मालिस गरेमा राम्रो हुन्छ ।
केश लामो वा टो कालो वा खैरो जर्जर र चम्किलो हुनुमा मानिसको वरिपरिको वातावरण र वंशानुगत कारणले पनि धेरै प्रभाव पारेको हुन्छ । अति नै ठंढी वा अति नै गर्मी ठाउमा चर्काे घाममा, धुलो उडीरहेको ठाउमा र वायु प्रदुषण बढी भएको ठाउमा केश चाढै नबढनुको साथसाथै रुखो खस्रो र कईलो किसिमको हुन्छ । यसरी केशको सुन्दरतामा प्रभाव पार्ने काम भएकोले गर्दा राम्रो केशको लागि राम्रो वातारण हुनु आवश्क छ । आमा बुवाको केश खैरो घुमरिएको अथवा बढता तैलीया, नबढने किसिमको छ भने छोराछोरीमा पनि त्यही अनुरुपको केश हुने सम्भावना बढता हुन्छ । यदि आमा बुवाको केश चाढै फुल्ने भएको छ भने छोराछोरीको पनि चाढै फुल्ने सम्भावना बढी हुन्छ । त्यस कारण केश राम्रो वा नराम्रो हुनुमा वंशानुगत कारणले पनि धेरै नै प्रभाव पारेको हुन्छ ।
स्वस्थ शरिर शरिरको प्रत्येक अंगको सुन्दरतको पहिलो मापदण्ड हो । शारिरिक र मानसिक अवस्थाले केशको सुन्दरतामा प्रत्यक्ष असर गर्द छ । स्वस्थ र सुन्दर केशको लागि स्वास्थयलाई सधै ठिक राख्ने कोशिस गर्नु पर्छ । यसको लागि नियमित दिनाचार्य सन्तुलित भोजनको साथै पुरा समय निदाउने गर्नु पर्छ । तनावबाट बाच्ने कोशिस गर्नु पर्छ । अनिदो, मानसिक तनाव आदिको कारणले मष्तिस्कमा उत्तेजना पैदा हुन्छ । जसको प्रत्यक्ष असर केशमा पर्दछ । र केश झर्ने, टुक्रिने र फुल्ने क्रम शुरु हुन थाल्छ । चिया कफि चुरोट र रक्सी लगायतका अन्य लागुपदार्थहरुको सेवनले पनि केश झर्ने र असमयमा नै फुल्ने हुन्छ त्यसकारण केशको सुन्दरताको लागि यस्ता कुराहरुलाई पनि त्याग्नु पर्द छ ।
0 comments:
Post a Comment