जिन्दगीमा
हुने के गरी हो सफल जिन्दगीमा
निरन्तर गर्दै छु म पहल जिन्दगीमा
पुगी गाउँ वस्ती पढ्दैछु म जीवन
म खोज्दैछुु साथी असल जिन्दगीमा
वफादार भई, छ कर्म गर्ने ईच्छा
परेको छ सहन दखल जिन्दगीमा
छ डेरा मलाइ अहोरात्र प्यारो
म चाहन्न अग्लो महल जिन्दगीमा
दिनेछु म उज्यालो जली मैन जस्तै
त्यसैले छु लेख्दै गजल जिन्दगीमा
कहाँ हुन्छ नाफा ,जहाँ बिक्री छैन
चलाएर उधारो पसल जिन्दगीमा
– सबनम भट्टराई
मनको घाउ
मनको घांउ तौलिए पछि
भार हुँदैन
किनकी दु्खाइको कुनै
आकार हँुदैन
हो यति कुरा त सबैले
जानी राख्नु पर्छ
सुखः मात्र जीवनमा
लगातार हुँदैन
– शोभा धमला
केही गुमाएर केही पाउँदा
केही गुमाएर केही पाउँदाका,े
मज्जा नै बेग्लै हुन्छ !!
पहिले रोएर मुस्कुराउँदाकोे
मज्जा नै बेग्लै हुन्छ !!
हार पनि त हाम्रो जीवनको,
एक पाटो हो नि हजुर !!
हार पश्चात जितमा रमाउँदाको
मज्जानै बेग्लै हुन्छ !!
– सन्ध्या पौडेल, वीरगन्ज
बनेर आउ
मेरो तिम्रो प्रेम कहानी बनेर आऊ
यो जुनेली रातमा रातरानी बनेर आऊ
मुघ्ध गरिदेऊ तिम्रो प्रेमको रस पिलाएर
बशन्त झै मदहोस जवानी बनेर आऊ
युगौं देखि तिर्खाएको यो मनको व्याकुलता
यो सावनमा वर्षात्को शितल पानी बनेर आऊ
तिमी बिना म के नै छु र प्रिय भन
जीवन सजाइ देऊ खुशीको खानी बनेर आऊ
जाम छल्काएर पिउने आदत पुरानो भयो
तिम्रो आँखाको पिलाउ अदा कि खानी बनेर आऊ
शुन्य यो एक्लो जीवन अरु कति बाचुँ म
एउटा बाटो खुशीको देऊ जीन्दगानी बनेर आऊ
– लक्ष्मीकान्त शर्राफ, ठाकुराम क्याम्पस, वीरगंज
नयाँ नेपाल
नयाँ नयाँ सजाँऊ है नेपाल सुख दुःख काटांै है मिलेर
घामको पहिलो किरण परोस् हाम्रो देशमा
देवी देवता रहुन नेपालीमो भेषमा हो
हाम्रो नयाँ नेपाल स्वर्ग भन्दा सुन्दर छ
पराई देशले हेर्दा कति सुन्दर भनोस
स्वर्गको सुख भोग्न हाम्रो देशमा आओस हो ।
को मधेशी को पहाडी हामी सबै नेपाली
हातमा हात समाई हैसे होस्टे गर
नपर है कहिलै विदेशको भर हो ।
नयाँ नयाँ सजाऊ हे नेपाल
सुख दु ः ख काटौं है मिलेर
– पुष्पा राणा (संचालिका) संतोषी व्यूटिपालर
तिमी
मन मन्दिरको देवी हौ तिमी
त्यसको म पुजारी
जीवन फूल अर्पि तिमीलाई
भावना पुर्ण आराध्य गर्छु
आखाँ छन् तिम्रा अन्नत गहिरो
मुस्कानमा तिम्रो हरियाली
समस्त युगको शितलता पाउछ
मयाको तिम्रो छहारी भित्र
– सुजन गोर्खाली, राप्ती रोड हेटौंडा
0 comments:
Post a Comment