– राधा शर्मा,
मध्य नेपाल सन्देश,
अरुले जे सुकै भने पनि आफूले भने नराम्रो सोच्नु हुन्न भन्ने लाग्छ म सोच्दिन पनि । आफू कस्तो छु भनेर आफूभन्दा बढी अरुले जानेका हुदैनन् । त्यही भएर पनि अरुले जति भ्याउँछन् त्यति सोच्छन् भन्ने लाग्छ । म कस्तो छु भन्ने कुरा म भन्दा बढी अरुले जान्न सक्दैनन् । त्यतिकै भनिएको पनि होइन रहेछ फूलको आखामा फूले संसार । तपाइहरुलाई कस्तो लाग्छ ? मलाई थाहा छैन । तर मलाई लाग्छ कि धेरै महिलाहरु अहिले पनि बाँच्नका लागि पुरुषकै आधार खोज्छन् । विशेष गरी विवाहित महिलाहरु । पुरुषको आड भरोसामा आफू सुरक्षित महसुस गर्छन् । जसका लागि उनीहरुले धेरै मानसिक तथा शारीरिक यातना समेत सहन्छन् । यति सम्मकी कति त आत्महत्या गर्न सम्म पुग्छन् । तर मलाई हिंसा भयो भनेर आफनो इज्जत र सामाजिक प्रतिष्ठाका कारण बाहिर कतै बताउँदैनन् ।
के अझै पनि हामीले यसरी नै यातना सहन बाध्य हुनु पर्छ त ? तर पुरुष विना पनि महिलाले गर्न सक्छन् । राम्रो गर्न सक्छन् र धेरै गर्न सक्छन् । भन्ने मैले पनि गरेकी छु र अरुले पनि गरेका होलान् जस्तो लाग्छ । मैले पनि एक्लै गरेकी छु र गर्दै आएकी छु । र अझै धेरै गर्न सक्छु भन्ने विश्वास पनि उत्तिकै छ ममा ।
भन्न त भन्छन् महिला धर्ती हुन् । हरेक कुरा सहन गर्न सक्छन् । सायद त्यसैले पनि जस्तोसुकै पीडा पनि फुल झै हाँसेर पचाउँछन् । अनि हाँस्ने सक्ने हामी किन केही गर्न सक्दैनौ ? सक्छौ अहिले पनि हेरांै न । देशको राष्ट्रपति, सभामुख, प्रधानन्यायधीश महिला नै छन् ।
देशको सर्वाेच्च निकायका ३ तीन पद महिलाले नै सम्हालेका छन् भने हामी किन पछि पर्ने । सबैभन्दा ठूलो आत्मविश्वास हो । म पनि सक्छु भन्ने विश्वासका साथ काम गरेमा पक्कै कोही असफल हुँदैन भन्ने मेरो ठम्याई हो ।
महिलाले केही गर्न सक्दैनन् भन्नुभन्दा पनि महिला विना पुरुषले नै बरु केही गर्न सक्दैनन् जस्तो लाग्छ मलाइ । एक दिन महिला नभएको घरको अवस्था हेरांै । पुरुषलाई कति सकस परेको हुन्छ । त्यसैले अगाडि बढ्नका लागि एक अर्काको साथ सहयोग त आवश्यक पर्छ नै । तर नभए पनि वा नहुदा पनि गनै सक्दैनन् भन्ने चाहि कदापि होइन । एक्लै पनि धेरै गर्न सकिन्छ, गरेका छन् र गर्छन् पनि महिलाले ।
0 comments:
Post a Comment