फागुन ७ वीरगंज २०७२
रेस फर मधेस नामक हाफ म्याराथोन २०१६ दौड प्रतियोगिता आज वीरगंजमा सम्पन्न भएको छ । वीरगंज पब्लिक कलेजले आयोजना गरेको सो दौड प्रतियोगिता आज बिहान घण्टाघरबाट शुरु भई नगरको माईस्थान, घडिअर्वा, आर्दशनगर, अलखिया मठ, बिर्ता मन्दिर, गहवा, घण्टाघर, भारतीय दूतावास शहरको मुख्य चौकहरु हुदै वीरगंज पब्लिक कलेजको नयाँ भवन मुर्ली वगैचामा पुगि समापन्न भएको थियो ।
कलेजका कार्यकारी निर्देशक एवं प्रो. डा. दिपक शाक्यको सभापतित्वमा सम्पन्न पुरस्कार बितरण समारोहलाई सम्बोधन गर्दै समाजसेवी एवं गौतम स्कुलका संचालक निमा लामाले अनुशासनमा बसी एवं लगनशिल भई अध्ययन गर्ने बिद्यार्थी जिवनमा सफल हुने बताएका थिए ।
टोल ,छिमेक ,जिल्ला र राष्ट्रको नाम चिनाउन खेलले महत्वपुर्ण भुमिका निर्वाह गरेको बताउदै लामाले सफल खेलाडी बन्न पनि अनुशासन र लगनशिलता अनिवार्य भएको बताए । साढे ३ किलो मिटरको हाफ म्याराथोन दौड प्रतियोगितामा छात्र तर्फ प्रथम प्रिन्स मुखिया, द्वितिय राजेश महतो, तृतिय सुशानत मिश्रा, छात्रा तर्फ शिवागीं कार्की, द्वितिय कबिता यादव,तृतिय अनिता थापा बिजयी भएका थिए । दौडमा बिजय खेलाडीहरुलाई प्रमुख अतिथी लामा एवं कलेजका निर्देशक शाक्यले संयुक्त रुपमा पुरस्कार बितरण गरेका थिए ।
समारोहमा जिल्ला प्रहरी कार्यालय पर्साका डिएसपी एवं प्रवक्ता होमेन्द्र वोगटी,समाजसेवी उर्मिला लामा, होटल मकालुका डायरेक्टर मोहन प्रधान,बिपीसी कलेजका क्याम्पस प्रमुख बिनय श्रेष्ठ,प्रध्यापक हरीरत्न तुलाधर,युगल प्रसाद साह,बासु कर्ण,कलेजका कोडिनेटर अरबिन्द श्रेष्ठ ,कलेजका प्रशासन प्रमुख एवं कार्यक्रम संयोजक संकल्प शाक्य ,संघीय समावेसी मधेसी युवा गठबन्धन पर्साका संयोजक ईश्वर यादव,सल्लाहकार ओमप्रकास सर्राफ ,बिद्यार्थी फोरम पर्साका अध्यक्ष यशवन्त यादव,ठाराव ईकाई अध्यक्ष अमोद यादव,मधेसी पत्रकार समाज पर्साका अध्यक्ष संतोष पटेल लगायतको उपस्तिथी रहेको थियो ।
0 comments:
Post a Comment