कोलालामपुर, १३ फागुन । मलेसियाले दैनिक १ हजार ५ सय अबैधानिक आप्रवासी कामदारलाई पक्राउ गर्ने लक्ष्य लिएको छ । जसअन्र्तगत अहिले पक्राउ अभियान ब्यापकरुपमा चलाई रहेको छ । पक्राउ परेकालाई सोझै घरफिर्ती केन्द्रमा पठाईने मलेसिया अध्यागमन बिभागका नवनियुक्त निर्देशक शकिब कुश्मीले बताए । मलेसिया सरकारको यस धरपकड अभियानले अबैधानिक आप्रवासी कामदार घर फर्किने या बैधानिक भएर बस्ने, भन्ने कुराको मार्ग तय गर्ने निर्देशक शकिबले स्पष्ट पारे ।सरकारले पुनः प्रक्रियामा आउन अबसर दिएकाले यस प्रक्रियामा नआउनेहरु धरपकड पछि सम्बन्धित मुलुक फर्किनुको बिकल्प नहुने निर्देशक शकिबलाई उद्धिृत गर्दै फ्रि मलेसिया टुडेले खबर छापेको छ । निर्देशक शकिबले ५ लाख अबैधानिक कामदार यसैबर्ष बैधानिक बन्ने पनि बिश्वास ब्यक्त गरे । मलेसिया सरकारले अबैधानिक आप्रवासीलाई धरपकड पनि गर्ने र बैधानिक बन्ने अबसर पनि संगसंगै दिने गर्दा यस्ले थप अन्यौलता पैदा गरीदिएको छ ।
अबैधानिक कामदार कुनै एकजना रोजगारदाताको साथमा प्रक्रियामा जानुपर्ने हुन्छ । सरकारले अबैधानिक आप्रवासी कामदार माथीको धरपकड जारी राख्दा प्रक्रियामा लैजान रोजगारदाताले समेत आट गर्न नसकेको देखिन्छ । अबैधानिक कामदारलाई आफ्नो बैधाकिन कामदार बनाउन तयारी अबस्थामा बसेका रोजगारदाताहरु पनि सरकारको निती ‘पर्ख र हेर’को सिद्धान्तमा बसेका छन् । – सुदीप निउरे दैनिक नेपाल
0 comments:
Post a Comment