श्री प्रकाशक एवम् सम्पादकज्यू
मध्यनेपाल सन्देश पत्रिका
बीरगन्ज, पर्सा
नेपालको प्रवेशद्धारको रुपमा चिनिएका औद्योगिक एवम् व्यापारिक नगरी बीरगन्ज नेपाली पत्रकारिताको विकासमा पनि अग्रस्थानमा रहेको छ । यहाँका अग्रज पत्रकारहरुले अथक परिश्रम, निष्ठा र विश्वासबाट सिर्जना गर्नुभएको पत्रकारिताको धरोहरलाई आजका पुस्ताबाट अझ उचाइ दिने काम भएको छ । प्रजातन्त्रको पुनःस्थापनासँगै झाँगिन सुरु गरेको नेपाली पत्रकारिता लोकतान्त्रिक वातावरणमा अझ मौलाउँदै गएको छ । तथापि, त्यस विरुवामा अनेक विषालु कीटाणुले बेलामौकामा नष्ट गर्ने दुष्प्रयास पनि नभएका होइनन् । यस्ता चुनौतीहरुलाई सामना गर्दै पत्रकारिताको विरुवालाई ठूलो वृक्ष बनाउन सकिएमा आम नेपाली पत्रकारले मात्र होइन, सबै नेपालीले शितल छहारी पाउन सक्दछन् । पत्रकारिताको त्यस विरुवालाई मल जल गरी संरक्षण गराउन वीरगन्जका उत्साही पत्रकारहरुको पहलमा मध्य नेपाल सन्देश नामक पत्रिका प्रकाशन गर्न सुरु गर्नु भएको खबरले मलाई निकै उत्साहित तुल्याएको छ । पत्रकारिताको बगैँचामा यस पत्रिकाले जनताको सुसूचित हुन पाउने अधिकारको रक्षा गर्दै नयाँ सुवास छर्न सकोस् भन्ने कामना गर्दै निरन्तरताको लागि पनि शुभकामना दिन चाहन्छु ।
शीतलप्रसाद महतो
संयोजक
नेपाल पत्रकार महासङ्घ
मध्यमाञ्चल क्षेत्रीय समिति
0 comments:
Post a Comment