मध्य नेपाल सन्देश
‘एउटै लक्ष्य एउटै सार मानव बेचबिखनको अन्त्य हाम्रो साझा सरोकार’ भन्ने नाराका साथ दशौँ मानव बेचविखन विरुद्धको राष्ट्रिय दिवस वीरगंजमा पनि मनाइएको छ । पर्सा जिल्ला बोर्डर एरिया भएकाले पनि मानव बेचविखनको अवस्था यहाँको दैनीय रहेको सरोकारवालाहरुको भनाइ छ । आर्थिक वर्ष २०७२÷०७३ मा मात्रै माईती नेपालले २ सय ५० जनालाई उद्वार गरेको छ । उद्धार गरिएका मध्ये धेरैजसो मधेशी समुदायको रहेको माईती नेपालको तथ्याँकमा उल्लेख छ । मधेशी समुदायका यादव, राम, चौरसिया, तत्वा लगायतका जातजातीका चेलीबेटी बेचबिखनमा बढी देखिएको माईती नेपालले जनाएको हो । पहिला मानव बेचविखनका दलालहरुले पहाडका विकट गाउँका महिलाहरुलाई बेचबिखनको निसाना बनाउने गरेको थियो । तर पछिल्लो समयमा तराईका मधेशी समुदायका चेलीबेटीलाई निसाना बनाउन थालेको माइती नेपालकी पर्साकी प्रमुख संगिता पुरीले बताइन् ।
दिवसको अवसरमा मानव बेचबिखन तथा ओसार पोसार नियन्त्रण जिल्ला समन्वय समिति पर्सा, माइती नेपाल, महिला तथा बालबालिका कार्यालय, सानो पाईला र पत्रकार महिला समूह पर्सा लगायतका संस्थाहरुको अगुवाई रहेको थियो ।
0 comments:
Post a Comment