 |
| प्रियंका गुप्ता |
हिन्दुहरुको महान् चाडका रुपमा चिनिने पर्व तीज भाद्र कृष्णपक्षको तृतीयाका दिन पर्दछ । महिलाहरुले श्रीमान्को सुस्वास्थ्यको कामना गर्ने पर्व श्रीमान्को उमेर लामो होस् भनेर पनि मनाउने गररेका छन् । यो पर्वमा महिला दिदीबहिनीहरु चौतारीमा बगैचामा भेला भएर आफना मौलिक नृत्य र भाकाका माध्यमद्घरा नाचगान गरी तीज पर्वको मौलिक संस्कृति जोगाँउदै पनि आइरहेका छन् । यसको संस्कृति विकास हुदै आएकोमा अहिले आएर गाँउ देखि लिएर सबै कुरामा परिर्वतन हुन थालेको छ ।
तीज पर्व वास्तवमा महिलाहरुलाई भित्री उत्साह र आन्नद दिन्छ । यस दिन उनीहरु रंगीचंगी लुगाफाटोमा सजिएर थरिथरीका गर गहना श्रृङ्गारमा रहने गर्दछन् । हातमा मेहन्दी लगाउने बेहुली जस्तै सजिने क्रम अब कुनै जात बिशेषमा मात्र सिमित छैन । महिलाहरुको फैसनको सौखमा ब्युटिपार्लर जाने र आफूलाई एकदमै सुन्दर बनाई राम्री बन्ने होड नै चलेजस्तो देखिन्छ । यो एकअर्थमा भन्ने हो भने एक प्रकारको उमंग पनि हो ।
तीज पर्व महिला दिदी बहिनीहरुको लागी सौभाग्य सुन्दरताको वास्तविक प्रतीक पनि हो । तीज पर्वको एक दिन अगाडि, सबै दिदी÷बहिनी, छर–छिमेक र आफन्तजनहरु भेटेर एक समूहमा दर खाने (विभिन्न मिष्ठान भोजन) खाने प्रचलन पनि छ । हाम्रो देश नेपालको भौगोलिक राजनितिक हरेक किसिमको परिस्थिति परिवर्तन भई रहे पनि हिन्दुहरुको चाडपर्वहरुलाई निरन्तरता दिदै मनाउँदै आईरहेको तीज पर्व निकै महत्वको छ । तीजको दिन विशेष गरेर भगवान श्री महादेवको पूजा अर्चना गर्ने चलन लामैसमयबाट चल्दै आएको हो । यो दिन सबै महिला दिदी–बहिनीहरु निर्जल व्रत बस्ने पनि गर्दछन् ।
0 comments:
Post a Comment