मध्य नेपाल सन्देश,
एशियाली विकास बैङकको ऋण सहयोगमा वीरगञ्जमा सञ्चालित मझौला सहर एकिकृत सहरी वातावरणिय सुधार परियोजनाको काम पुनः शुरु भएको छ ।
वर्षाका कारण र गिट्टी बालुवाको अभावमा स्थगित भएको परियोजनाको काम पुनः सञ्चालनमा आएको हो । नगरका विभिन्न ७ स्थानमा परियोजनाको काम चलिरहेको परियोजनाको वीरगञ्ज व्यवस्थापक ठाकुर ढकालले जानकारी दिनुभएको छ । सुरुवाती चरणमा ७ वटा स्टेशनमा मात्रै काम शुरु भएको भएपनि दशैं लगतै नगरका हरेक स्टेशनमा काम सञ्चालन गरिने उनले बताए ।
लगभग २ अर्ब ८० करोडको लगानीमा वीरगञ्जमा सञ्चालित परियोजनाको काम हाल सम्म ५० प्रतिशत सम्पन्न भईसकेको वीरगञ्ज उपमहानगरपालिका कार्यालयका निमत्ति कार्यकारी अधिकृत प्रकाशमान अमात्यले बताए । उनका अनुसार नाला, विस्तार, ड्रेनको काम, सडकका भित्रि भागको कामहरु लगभग सम्पन्न भईसकेको छ ।
यसैगरि अबको योजनामा रोड पिच गर्ने, रिट्रिटमेन्ट पार्क, रिजुलेसन पार्क, ट्वाईलेट तथा घर भान्साको पानी नालामा जोड्ने लगायतका कामहरु बाँकी रहेकाले दशैं सकिएपछि कामलाई तिब्रता दिने योजना रहेको उनले बताए । नगरपालिकाले तिर्नुपर्ने म्याचिङ फण्ड जुटाउन कठिनाई भईरहेको छ । उनले भने नगरपालिकाले तिर्नुपर्ने लागतको ८ प्रतिशत म्याचिङ फण्डमा १२ करोड बुझाईसकेको र बाँकी १२ करोड २०७४ असार मसान्तभित्र बुझाईसक्नुपर्ने चुनौति रहेको निमित्त कार्यकारी अधिकृत अमात्यले जनकारी गराए । म्यमचिङ्ग फण्डका लागि नगरपालिकाले नेशनल मेडिकल कलेज, साल्ट ट्रेडिङ्ग लिमिटेड लगायतका संघ संस्था तथा व्यक्तिसँग रहेको बक्यौता कर अशुल्न ताकेता गरिरहेको बताए ।
0 comments:
Post a Comment