मध्य नेपाल सन्देश ।
तिहारपर्व नजकिदै जादाँ प्रायः मधेशका जिल्लाहरुमा जुवा खेल्नेहरुको भीड बढेको छ । हिन्दुहरुको महान् पर्व दिपावली र छठ पर्वको बहानामा स्थानीयहरुले टोलटोलमा जम्मा भएर व्यापक रुपमा जुवा, तास खेल्ने गरेका छन् । बारा, पर्सा, रौतहट लगायतका गाउँहरुमा जुवा खेल्नेहरु बढेको स्थानीयले बताएका छन् ।
जुवा, तास सुरु भएको देखेर स्कूल पढ्ने विद्यार्थीहरुले समेत झन्डा, मुन्डा र कैडी भन्दै गलत शैलीको सुरुवात गर्न थालेका छन् । विगतको बर्ष भन्दा फरक यस बर्ष दशैं सुरु भए लगतै सरु भएको जुवा, तास ग्रामीण भेगको सार्वजनिक ठाउंमा व्यापक रुपमा हुँदा पनि स्थानीय सुरक्षाकर्मी भने मौन देखिएकोको उनीहरुको भनाइ छ । बिगतका दिनमा स्थानीय प्रहरीले गाउं गाउंमा जुवा र तास नखेल्न आग्रह गर्दै माइकिङ्ग गर्ने गरेका भए पनि यसवर्ष त्यस्तो गरिएको पाईदैन । घरपरिवारका सदस्यसहरुसंग किनमेलका लागि मागेका पैसा समेत जुवा खेलेर केहीले सिध्याउने गरेका छन् । पर्साको रामनगरी, हरिहरपुर, लङ्गडी, जानकीटोला तथा बाराको खोपवा, विशनपुरवा, बुधगाई, फेटा, मटिरिया लगायतको गाउँमा जुवा, तास व्यापक रुपमा हुने गरेको स्थानीयले जनकारी दिएका छन् ।
0 comments:
Post a Comment